التعلب فات

التعلب فات فات 

عمال بيوزع فى الإعانات

و يغنى يقول اشتوت اشتات

زى اما يكون فى الزار اه بات

وتمللى يهجص فى انتخابات

يرقص يتنطط و عليه حركات 

والحلم الحلو على وشه اه مات 

د تخصص نت ماسنجر شات

ماتقلش مذيع ع النايل سات

موسم يا اخوانا  والفرصة اهى جات

ما يطلبه المنتفعون

مايطلبه المنتفعون

يا حضرات المستمعون

اصحو معايا دى قصة شجون 

لما تلاقى الكل بيمدح 

واحد فاشل عمره ماينجح

حظه رماه فى الهيئة الرايقة

اصل ظروفه مش متضايقة

كانو فاكرينه زمان مجنون

 

كل نصيبه ان قريبه صاحبه حبيبه

كان استاذ نعناع بلمون

راح على القهوة

كده على سهوة 

واقف يخطب وسط صحابه المجتمعون

انا اخلص لك 

كده ارخص لك

يكرم اصلك 

اصل القرش عليك بيهون 

اصلك تبعى

تقدر تعبى

ورقك كله يكون مختوم

يالله بسرعة تعالو اتمنو 

جمعو بعض هنا و استنو

حلقة جديدة

تبقى مفيدة

من برنامج ما يطلبه المنتفعون

زى السمك

عايشين حياة مطحونين زى السمك

ناكل فى بعض وفى العمل كله انهمك

نضغط فى بعض والروح تروح لو فى يوم راح اعدمك

او كان بسره فى يوم يبوح

يصرخ ينوح

تنزف جروح ما دمى فى الاصل كان هو دمك