لو يختشى

ما هو اصل المرتشى

لو فى يوم كان يختشى 

ماكنش برر رشوته 

وقعد يجمل بلوته

ويعد ما لم وكسب

ويقول د حقى ومكتسب

ونروح نولول ع الضمير

بعد اما مات

ونقول د كان اسود مصير

والعمر فات

لو كل واحد مننا حارب فى مرة الفساد

كانت هتبقى مصرنا ست البلاد وخيرها زاد

والمحسوبية تبقى ذكرى والسلام

وبلدنا تبقى بأحلى فكرة تمللى دايما فى الأمام

ننسى سنين م الانحطاط وم العفن

نرسم بإيدنا احلى صورة واحلى فن

القاتلة

دع العناء يا نفسى وسلمى لا داعى يوما للقلق 

بات السعير بقلبى ليلا متأججا و ما حرق 

بمرور عينه فى الجوار للروح منى قد سرق 

سبحان ربى المبدع ما اعظمه فيما خلق 

خطف البصر لما لمع و الحسن منه قد برق

فأنا الضحية أصابنى بالرمش سهم قد مرق

فهو الذى كسر القيود محطما لكل قاعدة خرق

وصرت أُنعت بالجنون لما بدى لعينى كالفلق

 

اللقاح

ايها السادة اسمعونى انه لمن المرجح

إن كل مجتهد يسعى بصدق سوف ينجح

ماضيا لا ينظر لكل كلب فى طريقه ظل ينبح

واثق فى كل فعله فى حياته كأنه بيت مصفح

إنه بكل وعى أخذ اللقاح فهو يا سادة شخص ملقح

فنى

اعلن انى 

رغما عنى 

عند الفجر سأنحر فنى

وأقاتل كل ظنون الناس . بحبك

و طواعية  أقتل ظنى

اتخلص من أعباء الحكمة

اتحرر من قيد النقمة

اتجسد فى شخص ليس كسنى

أتلاشى على جسر ممتد اليكم منى

وأظل أغنى

بينى وبينك

بينى وبينك بحر فروق

كل ما تبعد و انسى و أفوق

ارجع تانى وقبل ما ادوق

كاس الود مسيره يروق

أطلع تنزل أنزل جنبك تطلع فوق

واشترى غالى قلبك وانت 

بايعنى تمللى رخيص فى السوق

نارك جوه القلب بتكوى

ارحم حبة شوية يا شوق

اسكت واضحك

غدرك فاضحك بس لأنى عترة وذوق

مش هتكلم وانا بتألم 

وما هاتغرق هاديك طوق

 

محبوبته

واقفا دوما أمامك لا حيلة لدى و لا أمل

حاملا شوقا ثقيلا كالجبال صابرا لا أمل

زاهدا طوعا كل الوجود دونك تاركا حتى العمل

رافعا كف الرجاء وكأننى بعد العناء كهل خمل

كل الحياة بعيناك نور وجهك كبدر قد إكتمل

ظمأن لا يرتوى ابدا لكنه بنظرة منك ثمل

جنة أنت إحتوت كل النعيم و ما شمل

خليكو نايمين

حضرات السادة المسؤلين .... 

خليكو قاعدين

على كراسيكم وفى مكاتبم 

والله ما انتم قايمين

ليه تتعبو نفسكو وتقومو

يا اسيدنا خليكو نايمين

احنا مانستهال زيكو ناس كده ابدا

بيضحو تمللى ومش فاضيين

م التكيف كده للتصوير

ع السوشيال ميديا و مش لاحقين

واحنا قال ايه عايزين 

شوراعنا تبقى نضيفة بقدرة قادر 

وفى روايحها فل وياسمين 

د احنا جبابرة 

عالم ظالمة و مش فاهمين

شكرا انكو راضين 

كده بينا ومانتوش خايفين

و اللى هايحلم يسكن شارع مرصوف و نضيف فيه جناين 

كده بقى كفر كده بقى خاين

يا حضرات راح نتحمل دايما دايما بيكو نكمل 

انتو إفرحو كده و اتهنو و احنا تمللى احنا الآسفين

يا حضرات السادة المسؤلين