ما هو اصل المرتشى
لو فى يوم كان يختشى
ماكنش برر رشوته
وقعد يجمل بلوته
ويعد ما لم وكسب
ويقول د حقى ومكتسب
ونروح نولول ع الضمير
بعد اما مات
ونقول د كان اسود مصير
والعمر فات
لو كل واحد مننا حارب فى مرة الفساد
كانت هتبقى مصرنا ست البلاد وخيرها زاد
والمحسوبية تبقى ذكرى والسلام
وبلدنا تبقى بأحلى فكرة تمللى دايما فى الأمام
ننسى سنين م الانحطاط وم العفن
نرسم بإيدنا احلى صورة واحلى فن
