اتشبكت ادينا ببعضها بعد القلوب
ومشينا طريق طويل وحدنا وقت الغروب
مين اللى كان متبت مننا
فى التانى يمكن كنت انا
يمكن تكون انت وانا
لكن فلتنا من بعضنا
اكمننا
راضعين عناد من صغرنا
ومأوحة ومكابرة تمللى فى دمنا
ليه سيبت ايدى فى الطريق
او ليه انا اللى كنت اصلا سبتها
وراجع تدور ع اللى تاه من بين إيديك
طب بعد ايه
تبكى عليه
وهو برده يبكى عليك
كان نور عنيك
طفيته ليه بدموع ما كنش ليه اصلا اى داعى
وفى يوم وداعى
ابقى افتكرنى
بذكرى حلوة لما كنت انا بين اديك
