قالها المواطن اللى حياته عمال يقاسى
وانا كنت فاكره على قد فكره
وقعدت جنبه عمال اواسى
قال ارحمونا يا هوو اعتقونا من ده احتياطى و م الاساسى
كنت فين من بدرى ياللى جاى تفكر وانت ناسى
وانت عامل فيها وطنى لما تنده انتو أهلى و انتو ناسى
اعذرنى يا ابنى انى هاجمته جاب لى هدية ومش مقاسى
مش هناكل م الأوطنة جابو شنطة و رحنا طنطا هللولنا جابو الكراسى
انى اقعد ولا اسلم مستحيل بقيت مبلم
قمت جارى شواكيش بتهبد على طول فى راسى
هى بدلة ايفوها و وزعوها
ومش مهم ماهو اصله مال سياسى
كلامى هزك
مين بس وزك
فى الوحل تنزل ماكنت عاقل وكنت راسى
بكره تعيط او وراح تظيط
لماتقول دول طلعونى و قلعونى حتى ..... مداسى