كلهم طلعت بيوتهم من إزاز
والعبد لله كلامه دبش
يجرح تمللى اللى خسرو واللى فاز
واللى يزعل
طب ما يزعل حتى لو ولع بجاز
اصلى تمللى لسانى حامى
سنه دايما ع الحرامى
اللى فاقد من زمان كل احترامى
القاب كتير يحطها قبل ما بينطق اسامى
اللى غاوى ع الخلق يضحك
ويعيش فى دور ماكنش دوره
واجع دماغنا بكلمتين واقفين فى زوره
طب يالله غورو
ريحونا منكم يالله لو حد منكم عنده وش
كان يختشى ويختفى ذى الناموس عمال اهش
د احنا شبعنا من نفاقكم ومن كلام كان كله غش
بيوت إزاز و بيوت كتير من ريش وقش
والاسم عش
