هى الحدوتة متفسرة
يطلعو قدام بنرجع ورا
شورعنا فى بلدى متكسرة
والمايه ضرورى متفلترة
ياهاتعيا وتمرض ويا هل ترى
هايحسو بتعبك واللى جرا
مسؤل ع الكرسى كده سيطرة
واللقطة الحلوة متصورة
والكل بيمدح كده فشخرة
ويغنى تمللى كده منظرة
راح خاطب فينا بالحنجرة
وبيكدب كدبة متحورة
شورعنا بتلمع ومنورة
والدنيا جميلة متطورة
اسم الله عليها متبخرة
للأحسن دايما متغيرة
وعينكو دى وحشة و مدورة
د مدينة مبنية بالمسطرة
ماية حنفية متقطرة
وشوارع ناعمة متسنفرة
د انتو اتعودتو ع الافتراء
انا برده راح اكدب بلا مسخرة
