و بتوصفوه بالمفترى
وظلم مواطن بسيط اوعسكرى
هو كده
منهم كتير موظفين
متعودين
على المعاملة السيئة
والتريقة
و فى كل حتة تلاقى زيه كتير قوى
الفهلوى
والغير سوى
لكن فى لحظة تلاقى ام بتحتوى
مسكت هدومه كأنها بتنجد غريق
ما هى عارفة قد ايه البهدلة
اللى يلاقيه لو عليه اتجمعو ونزلوه
ماهى اصلها سبهلاله
حق المواطن فوق دماغنا كلنا
بالاحترام والادب قبل القانون ما يدلنا
ويقول لنا
إن المواطن صاحب البلد
بنت وولد
شافو الكلام من اوله وطنشو
زى اللى خافو فى القبور يوم ينبشو
حتى اللى صور فى الدرا
خايف يعينى لو شافوه
كانو نزلوه ومش بعيد يضربوه ويبهدلوه ولتهمة حلوة يلبسوه
لازم قانون يحمى الحقوق والاحترام لازم يسود
مش تبقى غابة موظفين عاملين أسود
على الغلابة المطحونين وايامنا سود
