يا وشوش قديمة واكلها العشم
بأفكار عقيمة شعارها الغشم
مش ترحمونا والنبى من أحلى طلة
وتاخدو جنب تريحو تحت المظلة
ما احنا زهقنا من غناكم وضحكم على العقول
وكل دورة مش هانسكت و لازم نقول
مش مكسوفين من نفسكم و بتتسولو صوت الغلابة
يا مكشوفين دارو فضيحتكم د انتو فى الاصل الديابة
طمعانين فى الكرسى هى دى كل الحكاية
مش شبعانين فى اصلكم م البداية للنهاية
و هو موسم كل دورة تظهرو و بنشوفوكم
ولو فى يوم احتجنا ليكم
تأشيرة مختومة تسمحولنا بعدها نبقى نزوروكم
عملتو ايه او راح تعملو علشان بلدنا
و انتو تاريخكم فى الهجص بنحفظوه حتى لولادنا